E sistema di distribucion di awa di W.E.B. Aruba N.V. ta cubri henter nos isla. Un situacion excepcional compara cu mayoria di pais den nos region. Nos sistema di distribucion di awa ta predominantemente traha di pipa di hero ductile fura di paden cu cement. W.E.B. Aruba N.V. tin un clientela registra di mas di 35.000 y e ta suministra awa di bebe na mas di 7.000 camber di hotel cada un cu un consumo promedio di 1 ton metrico di awa pa dia. Tambe ta suministra un promedio di 170.000 ton di awa di bebe pa aña na turismo di crucero di Aruba.

W.E.B. Aruba N.V. a inverti den modernisacion y computerisacion di su sistemanan administrativo pa trata su clientenan na un forma eficiente y rapido. Clientenan nobo ta sigur di por haya suministro di awa denter di dos dia unda cu ta riba e isla. Clientenan cu mester servicio na oficina di W.E.B. Aruba N.V. ta haya asistencia rapido, eficiente y na un loket caminda por haci tur transaccion.

Nos sistemanan automatisa pa informacion computerisa y procesamento di dato y otro instrumento di maneho a converti W.E.B. Aruba N.V. den un compania moderno, guia pa calidad.