Historia

Originalmente na Aruba tabata saca awa di bebe for di pos y for di tanki.
E prome unidad di destilacion di awa di lama di Aruba tabata na Balashi, cu a keda te awe, aunke no exactamente na e mesun luga, e sede di W.E.B. Aruba N.V.

1931-1956 - E prome compania di produccion di awa tabata ‘Landswatervoorziening’.










1956-1961 - Su sucesornan: ‘Watervoorzieningsdienst’



1961-1992 - ‘Water- en Energiebedrijf’



1992 te cu awe - finalmente Water- en Energiebedrijf (W.E.B.) Aruba N.V. a mantene e produccion di awa di bebe y awa industrial di calidad halto.



E necesidadnan di Aruba pa awa di bebe a cambia drasticamente for di 1932, tempo cu a cuminsa cu evaporacion di awa di lama pa haya suficiente awa fresco pa e poblacion creciente y e actividadnan industrial cu tabata aumentando. Na 1932 e poblacion total tabata di mas o menos 17.000 persona y produccion di awa tabata 200 ton metrico pa dia. Pa 1950 e poblacion a crece te na 53.000 y e produccion di awa tabata di 1.205 ton metrico pa dia. Awendia nos ta produci un 37 mil ton metrico of mas o menos 9.8 miyon galon di awa pa dia.
 


W.E.B. Aruba N.V. a mantene ritmo cu e demanda di Aruba y a contribui na un forma significativo cu su desaroyo y su progreso suministrando awa di calidad halto, confiabel y saludabel na unda cu ta necesario. Awendia tur vivienda, hotel y negoshi tin awa di cranchi potabel.
Un maneho di calidad a resulta den mehoracion notabel riba hopi tereno, manera: servicio na e clientenan interno y externo, satisfaccion laboral, confiabilidad den produccion, rentabilidad, siguridad, training, mantencion y  limpiesa.