You are here

Reconecta un meter

Tur lo cual bo mester sa pa bo reconecta un meter di awa.

Tin dos (2) tipo di reconexion

1. Reconexion debi na pago atrasa

Si a desconecta bo meter di awa debi na pagonan atrasa, mester paga e suma completo personalmente na loket di WEB na Balashi.

Por fabor trece:

  • E suma completo cu ta debe.
  • Identificacion valido.*
  • Awg. 50,-  pa reconexion.

 

2. Reconexion debi na mudamento

Den caso di doño di cas

A. Si bo ta doño di un cas y bo tawatin un meter caba riba bo nomber na e cas, mester trece na loket di WEB na Balashi:

  • Identificacion valido.*
  • Awg. 130,- pa:
    • Deposito  Awg. 80.-
    • Conexion  Awg. 50.-

B. Si bo a cumpra un cas of nunca tawatin un meter riba bo nomber na e cas, mester trece na loket di WEB na Balashi:

  • Acto di notario di compra di e cas.
  • Identificacion valido.*
  • Awg. 130,- pa:
    • Deposito  Awg. 80.-
    • Conexion  Awg. 50.-

 

Den caso di huur un cas

C. Si bo ta huur un cas, mester trece na loket di WEB na Balashi:

  1. Formulario aplicacion di autorisacion, completamente yena y firma pa e doño di e cas concerni. E formulario aki ta disponibel na loket di WEB of por click aki pa un copia digital. (link to Machtigingaanvraag)
  2. Copia di identificacion valido* di e doño di cas.
  3. Propio identificacion valido.*
  4. Awg. 130,- pa:
    • Deposito  Awg. 80,-
    • Conexion  Awg. 50,-

 

Hala un meter di awa

D. Si bo kier hala un meter di awa riba e mesun tereno.
Yama departamento di Servicio na Cliente na telefon 525-4200 of fax na 585-2000. Tambe por pasa na loket di WEB na Balahsi pa yena un formulario di peticion.

Dentro di un (1) siman ta haci un chekeo na e tereno pa constata si tin motibo valido pa WEB hala e meter. Si no tin motibo valido y e cliente ainda kier hala e meter, e cliente mester paga e gastonan di e trabou. E gasto pa hala un meter di awa ta Awg. 320,-.
No ta permiti pa otro persona of compania haci e trabou di hala meter.

 

Duracion pa haya un meter di awa, valido pa A, B y C

  1. Si tabatin un meter caba na e tereno y e conexion pa e meter ta existi ainda, por haya e meter 1 dia di trabou despues di a entrega e peticion.
  2. Si tabatin un meter caba na e tereno pero e conexion pa e meter no ta existi mas, ta haya e meter dentro di 2 dia di trabou despues di a entrega e peticion.

 

Autorisa un persona pa pidi un meter di awa:

E persona mester trece na loket di WEB na Balashi:

  1. Un carta di autorisacion firma door di e persona cu ta pidi e meter.
  2. Un copia di un identificacion valido* di e persona riba cual lo registra e meter.
  3. Su propio identificacion valido.*

Den circunstancianan particular WEB por permiti pa desvia di e proceduranan menciona aki riba.

 

*Un identificacion valido = Cedula, Rijbewijs of Paspoort valido

Brochure

Print or Download the details