You are here

Conexion meter nobo

Haya sa tur lo cual bo mester sa pa laga conecta un meter nobo.

A. Trahando cas?

Si bo ta bay traha un cas y ta desea un meter pa construccion, mester presenta na loket di WEB cu:

  1. Permiso di DOW pa construi e cas
  2. Copia di e mapa di plan di ubicacion “situatie tekening” di e tereno
  3. Identificacion valido*
  4. Awg. 130,- pa:
    1. Deposito  Awg. 80,-
    2. Coneccion Awg. 50,-

 

B. Construyendo un edificio comercial?

So bo ta bay traha un edificio comercial y ta desea un meter pa construccion, mester presenta na loket di WEB cu:

  1. Permiso di DOW pa construi e edificio comercial
  2. Copia di e mapa di plan di ubicacion 
  3. Copia di inscripcion di e negoshi den registro di Camara di Comercio Aruba (KVK) no mas bieu cu 3 luna
  4. E negoshi mester autorisa un persona por escrito pa firma pa e negoshi Click aki pa carta di autorisacion    (link to Machtigingsbrief)
  5. Identificacion valido*
  6. Awg. 130,- pa:
    1. Deposito Awg. 80,-
    2. Conexion  Awg. 50,-

 

C. Di dos meter di awa riba mesun tereno

Por pidi un di dos meter di awa pa un apartamento, trailer (cu no ta riba wiel), cas dividi den dos of mas parti, of un cas di palo den bon condicion.
 

  1. Pasa na loket di WEB y yena un formulario di peticion
  2. Dentro di 1 siman, WEB ta haci un chekeo na e edificio pa cual ta pidi un di dos meter
  3. WEB ta yama pa informa e cliente di e resultado
  4. Si ta aproba pa haya un di dos meter, por fabor presenta na loket di WEB cu:
  5. Identificacion valido*
  6. Awg 130,- pa:
    1. Deposito  Awg. 80,-
    2. Conexion Awg. 50.00

 

D. Meter di awa cu tarifa P pa cunucu of criadero

Presenta na loket di WEB cu:

  1. Un carta di Departamento di Agricultura, Cria y Pesca (Santa Rosa) den caso di agricultura of un carta di Departamento di Salubridad Publico den caso di criadero
  2. Identificacion valido*
  3. Awg. 130,- pa:
    1. Deposito  Awg. 80,-
    2. Conexion  Awg. 50,-
 
* Un identificacion valido = cedula, rijbewijs of paspoort valido

Tempo di espera pa un conexion di meter nobo

E tempo pa conexion di meter nobo ta depende di e situacion na e tereno. Cada situacion ta unico.
Akibou ta menciona algun situacion y den cuanto tempo mas o menos lo por haya e meter.

  1. Tubo existente ta core dilanti e tereno y tin un conexion pa un meter: 2 of 3 dia
  2. Tubo existente ta core dilanti di e tereno pero no tin conexion pa un meter: 1 siman
  3. Tubo existente ta core otro banda di e caminda of te na un tereno banda di e tereno unda ta pidi e meter: 2 te 3 siman
  4. Tubo existente ta core 50m of mas for di e tereno:
    1. Un investigacion na e sitio ta determina den cuanto tempo por haya e meter.
    2. Te 2 luna.
  5. Si e tereno unda ta pidi un meter ta 250m of mas pafo di e area caminda cu WEB ta duna servicio, e cliente mester paga mita di e gastonan envolvi. Un investigacion na e sitio ta determina den cuanto tempo ta haya e meter y e suma cu e cliente mester contribui:
    1. Despues cu a ricibi e pago lo dura maximo 2 luna.
    2. Composicion di e tera por determina den cuanto tempo ta haya meter.  

E tempo indicativo pa conecta un meter nobo di awa ta conta pa tur situacion, sea cu bo ta trahando cas of edificio comercial, of cu bo ta pidi pa un di dos meter di awa riba bo propiedad of en caso bo pidi pa un meter cu tarifa P.

 

Autorisa un persona pa pidi un meter di awa:

E persona autorisa mester trece na loket di WEB:

  1. Un carta di apoderacion firma door di e persona cu a pidi e meter.
  2. Un copia di un identificacion valido* di e persona riba cual su nomber lo registra e meter.
  3. E persona su propio identificacion valido.*

Ainda no ta cla kico ta necesario pa completa bo transaccion na WEB? Por fabor yama nos Call Center na 525-4200.

Den circumstancianan particular WEB por permiti pa desvia di e proceduranan menciona akiriba. 

 

* Un identificacion valido = cedula, rijbewijs of paspoort valido