You are here

Cuenta halto?

Kico bo por haci den caso cu bo cuenta a sali mas halto cu normal.

Detecta lek

Hopi bes, un subida drastico di consumo di awa ta señal cu un of mas pipa di awa na cas ta lek. Un manera di descubri si en berdad algo ta lek, ta pa cera tur cranchi y check e meter di awa pafo.

Ora tur cranchi ta cera, tur e flechanan cora riba e meter mester keda para na e mesun posicion. Si un of mas di e flechanan ta bira ora tur cranchi ta cera, tin lekmento.

Den caso cu e lekmento ta na e meter of den e liña cu ta conecta e meter na WEB su red di distribucion, por fabor tuma contacto cu nos Call Center na 525-4200. Si e lekmento ta situa riba bo propiedad, check tur cranchi, showerhead, WC y tur otro parti di cas cu tin fluho di awa. Den casonan serio ta prudente pa busca asistencia profesional.

 

Averahe di uzo na cas

Na Aruba e uzo di awa averahe pa persona ta 150 Liter pa dia. Esaki ta mas o menos 5 m3 = 5000 liter pa luna. E averahe di uzo domestico pa un famia di 4 persona ta mas o menos  21m3 pa luna.

Check nos Online Calculator y compara bo uzo cu e uzo averahe na Aruba.