You are here

Recordatorio

Den caso cu tin pago atrasa, WEB lo pone un recordatorio na bo meter.

Bo no tin awa? Bo a check bo meter? Si bo tin cuenta habri ainda, tin chens cu nos a pone un recordatorio of  “tag” riba bo meter. Un “Tag” ta un carta oficial recordatorio cual nos ta pega na bo meter den caso cu bo a falta algun pago.

 

Si bo haya e recordatorio aki, e suma al respeto completo mester ta paga dentro di dos (2) dia di trabou. Por haci e pago via transferencia di banco, paga na oficinanan di Elmar, na e hulpbestuurskantoor mas cerca di bo of na loketnan di WEB na Balashi.

 

Si e cuenta no ta paga dentro di dos dia di trabou, lo desconecta e meter di awa en cuestion. Una bes cu desconecta e meter, no tin otro opcion di bini na nos oficina principal na Balashi pa paga bo cuenta y laga reconecta bo meter di awa.

 

Areglo di pago ta posibel, si no ta posibel pa paga henter e suma; por fabor puntra un di nos representantenan di Servicio na Cliente of yama nos Call Center na 525-4200 pa mas detaye.

 

Areglonan di pago ta sosode solamente na nos oficina principal na Balashi. Pa mas informacion con por paga bo cuenta, Click aki.