Klik pa wak album SWRO II !

Hunto cu un team Sr. Jozeph Everon a lidera e proyecto hunto cu un ekipo di Project Bureau pa haci e calculonan economico cu aspectonan huridico y conseho pa e proyecto di e planta nobo di SWRO nobo y pa a yega na un bon contrato. Pa loke ta asercamento pa e planta di SWRO nobo, a pone hopi enfasis riba e trayecto preliminario. E periodo di evaluacion tabata mas largo pa considera e diferente ofertanan. A scohe for di un grupo mas grandi di contratista y e proceso di evaluacion tabata hopi mas intensivo. Considerando cu e planta aki lo nifica 60 pa 70% di e produccion total di awa, ta duna e planta importancia hopi relevante.

Mirando e capacidad cu e planta aki mester produci, no ta laga espacio pa fayo. A trayecto inicial di 11 luna a sirbi pa realisa diferente estudio y a conta cu asistencia di tur departamento tecnico pa garantisa cu tur nanishi ta den e mesun direccion y riba e mesun frecuencia. Mester tabata sigur tambe cu e contratista cu a scohe pa entrega e planta lo por haci esaki t'e final. Tabatin algun exigenca mas halto pa e planta di SWRO II compara cu e prome planta.
Esaki particularmente pa loke ta consumo di electricidad. Aki a pone exigencia halto mirando cu kier un planta mas efectivo cu por tin influencia riba e prijs pa produci awa. na final di dia ta esey ta loke ta buscando. Es decir traha bon calidad di awa na un prijs hopi economico. Pa loke ta otro aspectonan fisico, ta relevante pa menciona e uzo di asina yama “beach wells” pa tuma e awa di laman. Den e prome planta a topa algun problema cu e forma di tuma awa for di laman.