Aruba ta un isla den Caribe cu un clima seco y practicamente sin awa den subsuelo. Den perspective di e uso creciente di awa na Mundo den ultimo siglo, poblasion di Aruba, sector industrial y turistico tin disponibilidad di awa na tur momento. For di 1932, Water en Energiebedrijf Aruba (W.E.B.) N.V. ta comberti awa di laman den abundante awa potable di calidad halto, via e proceso di desalinasion.

Den forma similar ta dificil imagina nos economia y un poblasion di mas cu 100 mil habitante, sin suministro confiabel di electricidad. For di 1958 W.E.B. a cuminsa genera electricidad y suministra esaki na N.V. ELMAR pa distribucion.

E logronan remarcabel aki ta resultado di añanan di esfuerso y dedicacion di empleadonan y gerencia di W.E.B. Aruba N.V. y su predecesornan. E reserva interminable di awa di laman Caribe, semper tabata e piedra angular den e proceso di desalinacion di awa. E proceso integral cu ta usa vapor a sirbi pa generacion di electricidad y produccion di awa di bebe y awa industrial.

W.E.B. Aruba N.V. ta usa heavy fueloil den su procesonan. Awendia, e aumentonan significativo di costo di e combustibel aki a resulta den stress economico riba nos mercado local. Esaki a hiba e empresa na introduci tecnologianan moderno y mas eficiente pa produci awa y coriente.


Awor W.E.B. Aruba N.V. ta cla pa enfrenta e necesidadnan di Aruba y e retonan di e di tres milenio, cu facilidad y ekipo moderno, cu e ultimo adelantonan tecnologico, personal altamente califica y cu metanan organisatorio fiha riba un mehoracion continuo den servicio, eficiencia y confiabilidad di su operacionnan. W.E.B. Aruba N.V. ta bisa “energia, awa y servicio…esey ta nos!”