Equipo

Durante decada ‘90 W.E.B. Aruba N.V. a inverti aproximadamente 250 miyon dollar pa mehora, modernisa y expande totalmente e produccion di awa y generacion di electricidad.

A instala boiler adicional, unidad di desalinacion di awa y sistema di control moderno y automatisa, turbine generador y demas ekipo electronico y computerisa. Tur esaki pa trece e distribucion di awa di bebe y electricidad confiabel na e nivel custumbra aki na Aruba, pues di calidad halto. Ta despues di cambio di milenio cu W.E.B. Aruba N.V. a inverti substancialmente den baha su consumo di fuel oil y aumenta su eficiencia. Tur esaki basa riba un plan strategico cu yama “Energia Aruba 2025” cu e meta principal di garantisa producion di awa di bebe y electricidad confiabel na un tarifa optimal, bahando nos dependencia riba fuel oil y teniendo cuenta cu nos medio ambiente. A introduce tecnologia moderno y sostenibel aki na Aruba.