Despues di procesa awa di lama pa awa di bebe, e ta wordo warda den 8 tanki riba tereno di WEB. Esaki ta mas o menos 98.400 m3. E awa ta wordo manda pa tankinan via di un tratamento di UV pa desinfeccion pa e systema di Distribucion. Pa medio di 4 tuberia mayor di distribucion ta mand’e awa pa 7 tanki rond di nos Isla. E total di volumen di awa warda den e 7 tankinan aki ta casi 73.900 m3. E capacidad total riba tereno di WEB plus loke tin rond di nos Isla, ta pone e volumen total na mas o menos 172.300 m3. Esaki ta rond di 5 dia di uzo di awa inclui e demanda di e refineria. E averahe di uzo di Aruba ta 34.600 m3. di awa pa dia inclui e refineria.

 

 

 

 

 

 

 

 

 

 

 

 

 

 

 

 

 

 

 

 

 

 

 

 Un tuberia mayor no ta pasa pa e systema di distribucion: “e tuberia industrial” pa e refineria. E diameter di e tubaria di transporte mayor ta varia entre 8” pa 12”. Riba ruta di e tuberia mayor tin casnan di pomp situa pa boost e awa pa e tankinan na areanan eleva. E tanki mas halto ta esun di Urataca cu su overflow na haltura di rond di 116 meter. Esun di mas abou ta e tanki na waf (C-239) cu su overflow na rond di 17 meter. Como cu C-239 (e ta den huur di e refineria) ta situa mas abou cu ta necesario pa genera suficiente presion, e no por genera presion pa suministra su area di servicio. P’esey e tanki aki ta sirbi como buffer pa e pomp stacion di Waf cu ta suministra waf y e hotelnan den e area di “low rise hotel”.
Dor di uza “hydrostatic-pressure” di e otro 6 tanki, e awa ta distribui na publico dor di e red di distribucion. Di diferente tubonan di distribucion e awa ta parti rond pa tuberia secundario y finalmente pa conexion di cas. E tuberia di distribucion ta varia entre 16” pa 8”, e tuberia secundario entre 6” pa 2” y conexion na cas normalmente ta di 1” “koper alloy” special pa awa di bebe. Pa conexion temporario, cu ta riba tera of cu no por wordo dera WEB sa uza pipa galvanisa. Ta solamente tubo di 1”y 2” ta di koper of galvanized, tur otro size ta di “ductile cast iron” cu ta fura parti paden cu cement special pa tubo di awa. E tubonan di “ductile cast iron” ta wordo traha cu un “coating” special pa proteccion contra suela corosivo y tin un capa extra poni dor di WEB cu ta 14 mils di polyethylene tape. WEB tambe ta uza tuberia di “High-density polyethylene (HDPE)”  pa 2 proyecto piloto. Den futuro cercano WEB lo bay uza mas tubo di HDPE specialmente den areanan cu suela mas agresivo y corosivo (salu).
E largura total di tuberia di transporte y di distribucion ta calcula na 2008 na rond di 642 km. E largura di conexionnan no ta inclui. Ta asumi cu pa cada cas e conexion ta 1.5 meter averahe y cu cada cas tin un conexion independiente di cuanto meter di awa ta instala na e conexion. Tin rond di rond di 40 mil conexion di awa cu ta wordo lesa tur luna.