Motornan Recip

For di 1958, W.E.B. Aruba N.V. a uza un sistema integra unda Boilernan ta produci vapor di temperature y presion halto pa impulsa Turbina Generadornan y asina genera electricidad. Ta uza e vapor aki tambe den e proceso pa desalina awa di laman. Aumento di prijs mundial di combustible (fuel oil), a forsa W.E.B. Aruba N.V. pa studia otro alternativanan proba y tecnologia nobo, pa produci awa di bebe y genera electricidad, den forma mucho mas eficiente y pa kita nos dependencia di fuel oil. Den e cuadro ey a lansa e studio strategico cu yama “Energia Aruba 2025” cual ta sirbi como nos mapa pa futuro desaroyo di W.E.B. Aruba N.V.  
Na aña 2006 a drenta den servicio e prome tres “Reciprocating Internal Combustion Engines”, e asina yama RECIP-nan. Esaki a aumenta e confiabilidad di W.E.B. Aruba N.V. den genera electricidad cu un Central di genera electricidad nobo y independiente cu capacidad di 24 Megawatt. RECIP ta motornan grandi cu ta uza e mesun fuel oil – e combustibel cu W.E.B. Aruba N.V. simper a uza den su procesonan – pero awor cu e RECIP-nan nos ta 30% mas eficiente cu e proceso tradicional di Boiler y Turbina Generador den genera electricidad.

     Click pa habri Photo/Video Album RECIP III.