Planta SWRO

Na juni 2007 tabata exactamente 75 aña pasa cu a produci awa di bebe pa prome biaha pa poblasion di Aruba uzando e proceso di desalinacion termico di awa di laman.

Na maart 2008, W.E.B. Aruba N.V. a cuminsa aplica un tecnologia nobo di membrana pa desalina awa di laman.A pone den oparacion un planta di “Seawater Reverse Osmosis” (SWRO) cu ta produci 8 mil ton di awa pa dia. E tecnologia aki ta uza 75% menos energia cu e plantanan tradicional di evaporacion termico. Ademas e planta ta aumenta e capacidad di W.E.B. Aruba N.V. cu 2 mil ton di awa di bebe pa dia. Esaki, pasobra ta saca for di servicio e planta awa termico Aqua Chem , despues di 25 25 aña di funcionamento exitoso.

Click pa habri Photo/Video Album SWRO II.  

Pompnan electrico ta genera presion halto pa forsa e awa di laman atraves di membrananan semi-permeabel y ta comberti awa salo den awa di bebe saludabel y di calidad sumamente halto. Gradualmente lo remplasa e plantanan di desalinacion termico di awa di laman uzando vapor di nos boilernan, teniendo na cuenta cu nan periodo di bida ta aproximadamente 15 aña. Awor tecnologia termico di keinta awa di laman ta habri caminda pa uzo di e tecnologia nobo di Seawater Reverse Osmosis, pa produci awa di bebe.

E eficiencia den desalinacion di awa di laman pa produci awa cu SWRO, ta aumenta substancialmente y esaki ta traduci den un impacto grandi riba e consumo di fueloil.
Es decir, usa menos energia ta nifica menos fuel y reduci emisionnan dañino pa nos medio ambiente. Den cuadro di e plan strategico “Energia Aruba 2025”, W.E.B. Aruba N.V. ta studiando e probabilidad pa expande su producion di awa di bebe cu mas planta di awa tipo SWRO y asina logra Mas awa cu menos fuel.