Den Bo Hardin

Tin hopi asunto simpel cu nos por haci den nos hardin pa spaar awa, placa y conserva nos medio ambiente. Ata aki algun idea pa practica ora bo ta traha den bo hardin pafo.

*Purba mantene e nivel di awa di bo pool na un manera cu e por funciona eficientemente. No yena e pool cu mas awa cu mester.

*Uza un asina yama ‘pool cover’ pa tapa e pool lo reduci evaporacion y e necesidad pa regularmente mester completementa e nivel di awa, Sin un tapa asina, mas cu mitar di e awa den bo pool por evapora den un aña.

*Si mester, considera instalacion di un drip system pa irigacion di  bo mtanan, Esaki lo yuda evita cu ta gasta awa ya cu e ta percura pa e awa bay unicamente caminda bo ta desea.

*Ta bon pa de vez en cuando muha bo hardin intensamente cu un slang di awa pa evita secura y encurasha reisnan di mata pa crece bay mas profundo.
*Ta recomendabel pa busca asistencia di expertonan den landscaping pa yudabo crea un hardin, nobo pa asina minimalisa e uzo di awa cu esaki mester. Ta un bon idea pa aplica un capa superior cu ta un mescla di material organico adecua resistente na yerba indesa.

*Na momento di planta mata den un hardin nobo, pone hunto y planta matanan cu tin necesidad similar di awa.

*Purba di no corta e yerba di bo hardin mucho cortico. Ora di uza un mashin pa corta yerba, corta unicamente e top tercera parti lagando esaki tres centimeter of mas. Reduci gastamento di awa mas ainda, usando e material vegetal cu bo corta den bo hardin pa pone rond di bo matanan.

*Regularmente revisa e cranchinan y tuberia pafo pa mira si nan ta lek. Djis un cranchi cu ta lek por gasta 2000 liter di awa pa luna.

*Añadi compost na e tera cu bo ta usa den bo hardin, loke ta percura pa nutriente pa bo matanan y ta yuda retene humedad y reduci evaporacion. 

*Ta un miho idea pa muha e reis y tera rond di matanan na lugar di muha e blatchi y flornan.

*Muha e matanan den bo hardin den oranan di mainta ora ta menos calor, of anochi ta mas eficiente ya cu e ta reduci evaporacion.

*Tuma tempo pa relax den bo hardin y muha bo matanan manualmente usando por ehempel un bleki of recipiente. E ta e miho manera pa garantisa cu bo matanan ta haña e cantidad adecua di awa.

*No slang bo patio of area di garashi. Usa un basora pa haci limpi of un blower/vaccum pa exterior.

*Ora di laba bo auto pon’e den bo hardin si por y usa un hemchi cu awa pa laba y rinse. Esaki ta yudabo spaar awa y na mes momento e awa cu shampoo pa laba auto ta yuda ferttilisa matanan,

*Ora bo ta bay dicidi riba un tipo particular di hardin pensa riba variedadnan di mata cu reis ta crece bay profundo den tera y cu ta tolerante na yerba indesea.

*Scohe pa variedadnan local y crioyo y matanan cu ta usa awa eficientemente y ta atrae fauna. Esaki ta nifica menos mantenemento y menos muhamento.

*Muha un hardin pa tempo mas largo pero menos frecuente ta promove reisnan crece mas profundo y matanan mas saludabel y resistente na secura, Corda usa un slang di awa, un reciepiente di awa of instala un sistema di drip irrigation. (Aproximadamente 12 milimeter di awa pa ora ta suficiente pa mayoria sesion di muha mata)