Tur dia nos por haci algun operacion simpel rond di nos cas cu por yuda nos spaar awa y placa y conserva nos medio ambiente. Tira un bista riba e lista di tip aki nan pa algun idea creativo.

*Revisa e cranchinan, tuberia, slangnan di dishwasher pa wak si nan ta lek. E ta un forma simpel pa evita cu awa ta bay perdi. Laga nos corda cu un cranchi cu ta lek por nifica mas cu 2000 liter di awa perdi pa luna.
*Un di e metodonan mas eficiente pa prepara berdura sin gasta awa ta usando un   microwave of pressure cooker.

*Un forma barata pero efectivo pa reduci bo uzo di awa, hasta sin cu bo mes ta       ripara, ta pa instala cranchinan di eficiencia.

*Ora di laba man den bak’i laba tayo, pone e plug na lugar di laba man bou di awa coriendo di cranchi.

*Separa cuminda cu ta congela prome cu uza esaki of microwave e cuminda na lugar di pon’e bou di awa coriendo fo’i cranchi

*Stop cranchinan di lek, door di cera e cranchi ligeramente y cambia e washernan asina e cranchi cuminsa lek.

*Dishwashernan automatico por uza t’e hasta 40 liter di awa pa carga. Usando un dishwasher cu por lo menos un 3 star/AAA rating por reduci e cantidad di uzo di awa t’e na 18 liter pa carga di dishwasher. Asina mes bo tayonan ta keda limpi manera bo ta desea.

*Ta un bon idea pa warda t’e ora bo dishwasher ta completamente carga prome cu uz’e. Esaki ta economisa awa y energia y ta reduci e cantidad di detergente cu ta bay den e sistema di riool.

*Laba fruta y berdura den un bak’i laba tayo mitar yen na lugar di haci esaki bou di awa coriendo fo’i cranchi. Ta un bon manera pa reduci uso innecesario di awa.

*Ora di hawa cos di kibra, haci esaki den un bak’i laba tayo cu e plug cera. E ta mes efectivo y hasta mas facil cu hawa cos di kibra bou di awa coriendo di cranchi. Ademas e ta yuda ecomisa awa

*Purba uza detergente y productonan di limpiesa cu no ta contene fosfaat y cu no ta dañino pa nos medio ambiente. Por scohe den un cantidad grandi di e tipo di productonan aki.

*Corda pa regularmente haci e filter di e wasmashin limpi

*Mayoria wasmashin tin un boton pa ahusta e tamaño di e carga di paña. Purba pa esaki cuadra cu e cantidad di paña cu ta bay laba. Si e wasmashin na cas no tin e boton aki, purba warda  t’e ora tin suficiente paña pa yena e wasmashin prome cu laba.

*Si bo instalacion di douche ta segun e norma mas reciente di 3 star/AAA rating showerheads, ta yudabo spaar por lo menos 10 liter di awa pa minut. Si bo ta uza awa cayente, e lo yuda economisa riba energia tambe ya cu e ta uza menos awa cayente.

*Pa hawa bo mashin di feita, pone un tiki awa den e baki di laba cara y cera e plug. Lo gasta hopi awa si hawa bo mashin di feita bou awa coriendo di carnchi.

*No ta necesario pa laga e awa ta core na momento di frega djente. Simplemente muha bo skeiro di djente prome cu bo cuminsa skeiro djente y uza un glas cu awa pa hawa bo boca.