Nos a compila un lista di ‘tips’ y recomendacion util pa economisa riba uzo di awa y corta gasto. Esaki lo encurasha bo personal na trabou pa haci uzo optimal di e awa di bo negoshi

*Ora di haci limpi, e personal mester uza un hemchi cu awa pa laba y rinse caminda ta posibel, na lugar di laga awa core di cranchi of uzo di slang

*Revisa tubo di awa, cranchi y slangnan pa wak si nan ta lek. Esaki ta un manera masha facil pa reduci gastamento di awa. Corda cu un carnchi cu ta lek por gasta t’e cu 200 liter di awa cada dia. Pa evita lekmento, cera e cranchi ligeramente y cambia e ‘washer’nan asina cu e cuminsa lek.
*No lubida cu den e hardin di bo negoshi tambe tin un cantidad di asunto inteligente cu bo por haci pa economisa riba uzo di awa.

*Encurasha bo personal pa e warda t’e ora e dishwasher ta completamete yen, pa uz’e. Esaki ta spar e uzo di awa y energia y ta reduci e cantidad di detergente den e sistema di riool.

*Un otro forma pa controla bo uzo di awa ta labando fruta y berdura den un baki pa laba tayo  yena t’e na mitar cu awa, na lugar di labanan bou cranchi habri.

*Si bo laba tayonan den un comchi cu awa ta mes efectivo cu si bo hasi esaki bou di un cranchi habri

*Loke bo tira den e riool por blokea e sistema y por contamina nos medio ambiente. Corda pa regularmente haci e filter di e wasmashin limpi

*Duna bo personal incentivo pa economisa riba uzo di awa dor di asocia conservacion di awa na evaluacion di prestacion di e personal

*Usa instrumentonan visual manera graficonan pa enfatisa e custumber di bo personal pa economisa riba uzo di awa.

*Menciona plannan pa conservacion di awa y nan progreso den reunionnan di personal

*Uza instrumentonan di comunicacion manera boletin, newsletter y email pa haci anuncio, participacion y duna noticia riba logronan special y pa informa bo personal riba ideanan pa economisa riba uzo di awa,

*Inclui un maneho y procedura di conservacion di awa den programanan di training pa personal

*Stablece un caha di sugerencia (ideas box) pa encurasha bo empleadonan pa trece idea pa economisa riba uzo di awa,

*Encurasha bo personal pa sigui practicanan cu hiba na spaar riba uzo di awa

*Considera instalacion di bo propio sistema pa recicla awa sushi, awa di baño y cushina  y reduci e suma riba bo recibo di awa.

*Pensa riba instalacion di kramchi y sistema di toilet cu ta uza awa eficientemente.